Torwali

تُوآل قوم (جاوید اقبال توروالی سی نظم)

تُوآل قوم

آ ڈھأروش زنگلی

جیِب دیدُو توروالی

وطن سی درادا باشِندا آصلی

بُوڑ تُوال تُھو مھی کھام

نرے ڙَوے سی گام

ڜنکُو چیئل بیِڜگام

ڙیمیٹ گڑی چتگام

أئں دیریل پُران گام

درڜڜ سی اُوچات نام

مھیزید تھلا گئی یام کھأ‌ؤ ہُو پیدیلی

مھی اُولال او درال

ڙوگھور أرأن پُشمال

لگن أریِن ساتال

تُوآل کمل گُورنال

ذأریِنال او شیِنال

بڑی او میِنیِکھال

نہ آشُو مھی سیال خو کڑیل آزلی

بھیڑ تُوڑاک خزآن زید

ہر ڈُھوگُو سی شآن زید

ڇھی او ماڜ سی کآن زید

ہرے مُتکھا بھآن زید

خزا پھوریل آن زید

بات بنَدُو بآن زید

کآن تھادی دُومخان زید بات نی چھی ماملی

لار تھلُو مأ زینار

کلیمہ بنُو جار

بھیڑ آمنگے قلار

نی گیِاد یئزید بار

مھأ تھلُو ڇھئیا لار

پھگاد تلئی ئے ذار

مأنی کی یِسکے قار حیِا دین قیبیِلی

مھی تھی ڙیِک شجرا

جُومأد او حُجرا

کؤدُود ڈل او پارا

پد کو پدے بارا

دھیریِنے سترا

ڇھیئی کؤ دُود آرا

کھام گے تُھو اِخکارا مُھن سے نانگ او خیلی

اِسپیری ہُو مھی تال

کی آمنگے خیال

شیِدے گئی ڜا سی بال

کھال آشُو دھرُو تھال

نہ آشُو آ ارزال

مھیئے ہُو دُو اُووال

دؤ دیِد جاوید اقبال بُھو یا دُو کوالی

وطن سی درا دا باشندا آصلی

(جاوید اقبال توروالی)