پڑھیئی

Torwali alhphabets, Bahrain, Torwali, IBT, Bahrain

مےپاڜ سی مقصد توروالی جیِب سی لیِگُو آں پڑھئی چھی۔ ہر جیِب پڑھئی او لیِگُو دے ترقی کوئی۔ ایندے توروالی بھئی او شیِا ئے توروالی سی لیِگُو او پڑھئی پشؤ تُھو۔

مے پاڜ می تھوئے کتاب، مضمون، پیپرز آں رسالہ پانیِن۔ تھوئے ای می تُنُو لیِگُو ہُم پانیِن۔ توروالی سی جٲن ساتُو، پڑھئی آں لیِگُو سی کیا مھوئے ادارہ برائے تعلیم و ترقی سی ڈھٲرا گن کم کی دی۔

اوّل می توروالی سی حروف تہجی سی آں قاعدہ سواد۔ بھی لیِگُو او پڑھئی سی قاعدہ سیوٲد۔ ای ما بعد لُوڑا سی کیا توروالی می کورس سی کتاب سیوٲد۔ لُوڑا سی کیا قصّہ سی کتاب لیِگئی۔ حساب سی کتاب ہُم سیوٲد۔

توروالی ڙوا سی کتاب اردو ترجمہ سمان لیِگُو۔ ہامُوڑ توروالی شاعری جمع کی۔ توروالی او اردو آں انگریزی می بول چال سی کتاب لیگُو، توروالی او اردو آں انگریزی می ڈکشنری لیِگئی آں توروالی پُرٲن قصّا سی کتاب توروالی، اردو آں انگریزی می چاپ کی۔