مکمل

1. سوات کوہستان می جوئی سی تعلیم سی منصوبا

مے منصوبا ائی بی ٹی 2012ء آں 2013ء می کی۔ ایس می دُو زر 2000 جوئیائے توروالی او اردو سی لیِگُو آں پڑھاؤ کؤ چھیِڙُو۔ ای ما علاوہ لیکھ او جمع آں منفی کؤ ہُم جنُو۔

2. پنجما پرکے توروالی جیِب می لُوڑا سی کیا کورس سؤو

مے مںصوبا ائی بی ٹی 2013ء می کی۔ ای می ائی بی ٹی پنجم جمٲدا پرکے لُوڑا ئے کورس توروالی جیِب می سواد۔

3. توروالی جیِب او کلتور سی محفوظ آں مُوٹھائے نیُو سی منصوبا

مے منصوبا ائی بی ٹی 2015ء می مکمل کی۔ اے مںصوبا می توروالی جیِب می ڇا کتاب آں موسیقی سی اے ڈی وی ڈی شامل آشی۔ اے منصوبا می ائی بی ٹی توروالی، اردو آں انگریزی سی اے ڈکشنری، توروالی، اردو آں انگریزی می بول چال سی کتاب آں توروالی قصّا سی کتاب توروالی، اردو آں انگریزی می لیِگُو۔

منجُورا سی نام دے اے منصوبا می ائی بی ٹی توروالی ڙو او پھلا سی اے ڈی وی ڈی سیوٲد آں خلگا می تقسیم کی۔

4. سیمام

2011ء می ائی بی ٹی خیبر پختون خوا سی حکومت مدد دے بحرین می سیمام سی نام اے میلہ کی۔ ای می توروالی آ گاؤری سی کلتور او موسیقی سی ڇا دیا سی میلہ کی۔

5. لیؤ جیِبا زید بحث آں سمینار

ائی بی ٹی 2011 می اسلام اباد می شمالی پاکستان سی ٹول جیِبا سی اے سمینار او ڈائلاگ کی تی می بیش جیِبا سی خلگے شرکت کی۔