مھو تھوئے توروالی جیِب سی ویب سائٹ کے خیر سیت بنَدی۔ أ تُھن ویب سائٹ چھی۔ لؤ او گھن آں جوَئی(جپَئی) ایس پَش بھادی۔ 

مے سائٹ می فُوٹُو تھی، ویڈیوز تھی، مضمون تھی، کتاب تھی آں ہال دأل شیئی ہُم تھی۔ اِمی سوات کوہستان سی خبر ہُم تھی۔ أ ویب سائٹ اردو او انگریزی می ہُم چھی۔ 

أ ویب سائٹ توروالی جیِب او خلگا  سی بارا می چھی۔

ٹول توروالیائے بُمارک!

لینگوا پیکس انتڑنیشنل ایوارڈ 2021ء: 

ایݜُو کالے (2021ء) می ادارہ برائے تعلیم و ترقی (ا ب ت) یورپ می جیِبا او تعلیم سی کیا گھن انعام/ایوارڈ ”لینگوا پیکس انٹرنیشنل ایوارڈ“ گھڑُو۔ ہے ایوارڈ دُونئی ہر کالُو صرف اے ادارہ ئے دیا بیَدُو۔ ایݜُو کالے تُھن دعا سی برکتے دے ائی بی ٹی مے ایوارڈ گھڑُو۔

ایوارڈ سی لنک:

https://www.linguapax.org/en/idara-baraye-taleem-o-taraqi-is-awarded-the-2021-linguapax-international-award/